İslam 600 nçe yıllarnıñ başında Aräbstan yarımutravında tugan. Möhammäd päygambär (SAS) väaze arkılı Aräbstan yarımutravınıñ çiklären ütep Tönyak Afrikaga, könyak Urta diñgezdän Atlantik okeanga kadär häm Yakın häm Yırak Şärıkka kadär cäyelgän. Ul dönya küläme dinenä äverelgän häm dävamlıça törle millät väkilläre dinne kabul itkännär.
Bügen islam dönyası Tın okeannan Atlantik okeanına kadär cäyelgän häm Aziyä häm Afrika millätlären üz eçenä ala. Hazerge vakıtta möselman dinendä buluçılarnıñ sanı 1 milliard 600 million keşe dip sanala.
Cir şarınıñ törle yaklarında möselman oyışmaları aktiv eşçänlek kürsätä. İñ yıraktagı möselman cämiyätläreneñ berse Finlandiyädä yäşäüçe möselmannar.
Finlandiya İslam Cemaati zamanında küçep kilgän möselmannarnıñ ruhi mirasın saklauçı häm monda yäşäüçe möselmannarnı elemtädä totuçı oyışma. Mähallä häm anıñ belän yakın mönasäbättä bulgan möselmannar fin mädäniyäteneñ häm cämiyät tärtibeneñ küptörlelegenä öleş kertä.